சாதி ஒழி , சாதிக்க அதுவே வழி - மதம் அழி, மதிக்கு அதுவே விழி - பொங்கல் கவிதை போட்டி 2015
சாதிக்கும் மதத்திற்கும் சண்டையிடும் சகாக்களே,
சாகின்ற வரைக்குமே சாதியும் மதமும் !
சாத்தானின் சதியில்
பிறந்த சாதியினில்,
நாம் உடன்கட்டை
ஏறிக்கொண்டு இருக்கிறோம் !
ராஜாராம் - பிரபு கதையினை மறந்து
சாலமன் பிரபு கதைக்கு,
கருத்து கூறிக்கொண்டு இருக்கிறோம் !
சதியிலும் சாதியிலும்
சத்தமும் இரத்தமுமே மிஞ்சும் !
சதியை ஒழிக்க முடிந்த நம்மால்
சாதியை ஒழிக்க முடியாதா ??? - முடியும் !
சாதிக்க நினைப்பவன்
சாதியை நினைக்க மாட்டான் !
மதம் மனிதனின் மனதை
மயானமாக மாற்றுகிறது !
மனிதன் மயானத்தில் வசிக்கலாம்,
மனம் மயானத்தில் வசிக்க கூடாது !
மதத்தினை விட்டு வெளியேறி
மனிதனாக வாழ முயற்சி செய் !
மதியை உபயோகிப்பவன்
மதத்தை உபயோகிக்க மாட்டான் !
