முற்றுப்பெறா முற்றுப்புள்ளிகள்-அலமு
முற்றுப்புள்ளிகள் தொடங்க
துவங்கும் முன்னே
தொடக்கப்புள்ளிகள் முடிய
தொடங்கின.....
தொடக்கப்புள்ளிகளின் சரியான
முற்றுகளை,
முற்றுப்புள்ளிகளின் தவறான
தொடக்கங்கள்
தகர்த்தெரிகின்றன....!!!
முற்றுப்புள்ளிகள் சில சமயம்
தொடக்கப்புள்ளிகளின் மறைமுக கூட்டாளியாகும்.....
அதினாலே சில தொடக்கபுள்ளிகள்
முடிவதே யில்லை ....
தொடக்கப்புள்ளிகள் சில சமயம்
முற்றுப்புள்ளிகளின்
நேர்முக கூட்டாளியாகும்....
அதினாலே சில முற்றுப்புள்ளிகள்
தொடங்குவதே யில்லை...
முற்றுப்புள்ளியின் பலவீனம்
தொடக்கப்புள்ளிக்கு தெரிவதில்லை
ஆனால்
தொடக்கப்புள்ளியின் பலவீனம்
முற்றுப்புள்ளிக்கு தெரியும்....
புள்ளிகளுக்குள்ளே புள்ளிகளற்ற வரையறை
இருப்பதை யறியாமல் தான்
தொடங்கி முடிந்தபடியும்
முடிந்து தொடங்கிய படியும்
தொடர்கின்றன
தொடக்கப்புள்ளியின் முடிவும்
முற்றுப்புள்ளியின் தொடக்கமும்
முடிவுறாமலே.......
