ஆத்தா

மனைய வித்து, நகைய வித்து,
காசு எல்லா நீ புரட்ட.
பட்டணத்துக்கு நான் போய்
நல்ல படிப்பு படிக்க.
♦

என்ன பொறியியல் சேர்த்தாயே,
விடுதியில் தங்கு என்றாயே.
♦

எத்தனையோ சாப்பாடு கொண்டு
வந்து சாப்ட்டாலும் - உன்
போல ருசியில்ல.இத
எங்க போயி நான் சொல்ல!
♦

எத்தனையோ படிப்பு
உணர்ச்சிய தந்தாலும் - உன்
போல பாசம் தரல.உன்
மடியில்லாம தூக்கமு இல்ல!
♦

நாலு வருஷமா சேர்த்து வச்ச
கண்ணீரெல்லா நாளைக்கு
விடுமுறையில் ஊர் வந்து
கொட்டிருவேன்.
நழுங்காம அசராம உன் மடியில்
தூங்கிடுவேன்!
♦

ஊர் வந்து அடைஞ்சதும்
கூட்டி வர நீ இருப்பேனு
உன்ன தேடினே!!
வீட்டு வேளயில மறந்திருப்பேனு
நானே நடந்து வந்தேன்.!
♦

தனியாவே பேசிகிட்டு
கால்நடையா நடந்தேன்.
அதே குளத்துல இன்னு தவக்கா
சத்த கேட்டேன்!!
♦

என் வீட மறச்சிகிட்டு ஊர்மக்க
கூடி நிற்க,
என்னாச்சு,ஏதாச்சுனு அவங்கள
தள்ளி விட்டு நான் பார்க!
♦

எனக்கு உசிர் கொடுத்த உசிருக்கு
உசிர் போச்சுனு கூட்டத்துல சொன்னாங்க!
சேர்த்து வச்ச கண்ணீரெல்லா
நான் கொட்ட என்ன தொடாம இருந்தாங்க!!
♦

4வருஷமா உன்ன பிரிஞ்சதுக்கு
இது தான் தண்டனையா!!-என்
ஆசை முகம் பார்க்கமா போனாயே
தாயே,உனக்கு இது தான் தலைவிதியா??!!!♥