நட்பு
சாதி மத பேதம் எங்களுக்குள் இல்லை
சாகும்வரை நாங்கள் ஒரு தாயின் பிள்ளை !
பிரிவுகள் வந்து விலகியதில்லை
பிரியங்களை நாம் இழந்ததுமில்லை !
சரிவுகள் வந்ததால் சாடியதில்லை
சரியற்ற வழிகளில் சென்றதுமில்லை!
எது வந்தபோதும் மறைத்ததுமில்லை
எதைக் கேட்டபோதும் மறுத்ததுமில்லை !
துக்கங்கள் வந்து தவித்திட்ட போதும்
துணையாய்ப் பக்கத்தில் நிற்க மறந்ததுமில்லை !
உறவுகள் சேர்ந்ததால் வந்ததல்லவிச் சொந்தம்
உணர்வுகள் சேர்ந்ததால் வந்ததே இப்பந்தம் !
காலங்கள் வந்து கலைந்தே போனாலும்
காவியமாகி வாழ்ந்தே இருப்போம் !
- பொலிகையூர் ரேகா
