ஹைக்கூ சென்ரியு கவிஞர் இரா இரவி
ஹைக்கூ ! சென்ரியு ! கவிஞர் இரா .இரவி !
இனம் காணலாம்
வாய்ச்சொல் வீரர்கள்
தேர்தல் !
சிரித்து வாழ வேண்டும்
சிரித்து உணர்த்தியது
சின்ன மலர் !
சொல்லாமல் சொல்லியது
வாடாமல் வாழ்
வாடாமல்லி !
மழை வெள்ளம்
உதவியது
முகநூல் !
மனிதனுக்கு அழகு
மதமல்ல
மனிதநேயம் !
வழி செய்யுங்கள்
உழுதுண்டு வாழ்வார்
வாழ !
கண்ணால் காண்பதும் பொய்
சுற்றவில்லை சூரியன்
என்பதே மெய் !
தெரிவதில்லை
கண்களுக்கு
சுற்றும் பூமி !
ஒளியற்ற சந்திரன்
ஒளி பெறுகிறான்
சூரியனால் !
முடியும் முடியும்
உள்ளத்தால் நினைத்தால்
முடியும் !
பாதையில்லை பதற வேண்டாம்
துணிவுடன் நடந்திடு
உருவாகும் பாதை !
கணினி யுகத்தில்
வில் உண்டு
வானவில் !
பார்ப்பவர்களுக்கு தருகிறார்கள்
தன்னம்பிக்கை
மாற்றுத்திறனாளிகள் !
விபத்தில் இல்லை
மதித்து நடந்தால்
சாலை விதி !
வேகமாகச் செல்ல அல்ல
நிற்பதற்குத்தான்
மஞ்சள் விளக்கு !
ரசிப்பதற்குத்தான்
பறிக்க அல்ல
மலர்கள் !
