கண்டும் தெளியவில்லை
மண் என்று ஒர் இளக்காரம்
மண் தானே என்ற ஓர் அலட்சியம்
மண்ணே பொன் என்று அறியாமல் .
மண்ணாவே போவாய்
மண்ணுக்குள்ளே போ
என்ற ஓர் ஆங்காரம்.
ஒரு மண்ணும் தெரியாது
நீ ஒரு மண்ணு மண்ணு
என்ற ஓர் உதாசினம் .
அதோடே மண்ணாசை
ஒரு பேராசை என்ற
ஓரு நீட்டிப்பு .
அதனுள்ளே மண்
பொன்னை விட உயர்வு
என்ற ஓர் ஆவல்.
மண்ணின் மகிமை
மண்ணின் பொறுமை
மண்ணின் வலிமை
அறியாதார் பேசும்
பேச்சு கேட்டு
முடியவில்லை.
கண்டும் தெளியவில்லை
என்கிற போது மனம்
கலங்குகிறது அனேகமாக .
