பயணம்
வாழ்க்கை ஒரு பயணம் !
மனிதன் ஒரு பயணி !
காலம் என்னும்
நெடுஞ் சாலையில்
ஆகாய வீதியில் நதியில் கடலில்
வாழ்க்கை நீண்ட நெடும் பயணம் !
ஜனனம் துவக்கம் மரணம் முடிவு
என்பதெல்லாம் கவைக்குதவாத
பயணத் தத்துவங்கள் !
முயற்சிதான் பயணத்தின் துவக்கம்
நம்பிக்கைதான் பயணத் திட்டம்
குளிர் கோடை வசந்தம் மழை
பயணத்தில் குறுக்கிடும் பருவங்கள்
முனைப்புடன் பயணித்து
அடைய வேண்டியது இலக்கு !
இலக்கு என்பது எதுவோ ?
நீ சென்று அடைவதெல்லாம் உன் இலக்கு !
ஆதலினால்
வாழ்க்கை ஒரு பயணம்
நீ பயணி......
ஏனெனில்
மனிதா நீ ஒரு பயணி !
-----கவின் சாரலன்
