ஹைக்கூ கவிஞர் இரா இரவி
ஹைக்கூ ! கவிஞர் இரா .இரவி !
நிலக்கரி வைரம்
இரண்டும்
மண்ணுக்கடியில் !
ஊரே பால் ஊற்றியது
முடிவில் பார்த்தால்
அனைத்தும் தண்ணீர் !
புதிய வீடு
வரவில்லை தூக்கம்
வாங்கிய கடன் !
பறக்க மறந்தன
சிறகுகள் இருந்தும்
சோதிடக் கிளிகள் !
இரும்புச் சங்கிலி இழுத்துத் தோற்றதால்
சிறிய கயிறையும் இழுக்கவில்லை
யானை !
கண்களை மூடியபோதும்
களைப்பின்றிப் பயணம்
குதிரை !
வாழ்வின் ஏற்றம் இறக்கம்
கற்பிக்கும் விளையாட்டு
பரமபதம் !
பகிர்தலை
பயிற்றுவிக்கும் விளையாட்டு
பல்லாங்குழி !
