ருத்ராவின் குறும்பாக்கள்
ருத்ராவின் குறும்பாக்கள்
=================================
பௌர்ணமி
__________________________________
அழகிய
முகப்பருக்களோடு
வானத்தில் அவள்.
__________________________________
கிரில் ஜன்னல் வழியே
அவளோடு
கண்ணாமூச்சி.
__________________________________
அவள் கைவிரல் கொண்டு
பொத்தி பொத்தி
பதினைந்து நாளாய் அவஸ்தை.
___________________________________
என் இதயத்துள் சிம்னிவிளக்கு
விடியும் வரை கடலுக்கு
அவள் விடிவிளக்கு.
_________________________________________
எனக்கு கேட்கிறது.
அலை பிம்பத்தோடு
குலுங்கி குலுங்கி அவள் சிரிப்பு.
_________________________________________
கருப்பு பர்தாவில் அமாவாசை.
வெள்ளைப் பர்தாவில் பௌர்ணமி.
என்று அவள் நிஜப்புன்னகை?
_____________________________________________
ருத்ரா இ.பரமசிவன்
__________________________________________
