தினம் ஒரு காதல் தாலாட்டு - ஜோடி பாடல் 56 = 183
“கருமேக வானம் கலந்தாடும் நேரம்
இருளோடு இருளாக நீ இங்கு வரனும் !”
மனம்போல பாடி மார்போடு கூடி
உறவோடு உறவாடி உயிர் கலக்க வேணும் !”
மனித கனவுகள் யாவும் கானலை போல
மனக்கன்னில் தோன்றி மாயமாய் மறையும் !
எதையும் முடிவோடு செய்தால் முறையாக நடக்கும்
எதுவும் முறைதவறி நடந்தால் முரண்டுகள் பிடிக்கும் !
மலர்போன்ற முகத்தாள் மாங்கனி நிறத்தாள்
அகத்தோடு அகமாய் ஆழ்நெஞ்சில் குளித்தாள் !
கொடுக்கின்ற கரத்தான் கொள்கையில் சிறந்தான்
ஏழையின் சிரிப்பில் இறைவனை கண்டான் !
