பெண் அகராதியில் ஆண்

நாயகன், நட்சத்திர நாயகன்,
நல்லவன் ,நல்லவனுக்கு நல்லவன்,
வில்லன், வில்லாதி வில்லன்,
மன்னன், மன்னாதி மன்னன், நாடோடி மன்னன்.

வல்லவன், வல்லவனுக்கு வல்லவன்,
சகலகலாவல்லவன், மன்மதன்,
தர்மதுரை, தர்மத்தின்தலைவன் ,தங்கமகன்
பட்டிக்காட்டான், இதயத்திருடன் என்கணவர்,

பட்டிக்காட்டு பொன்னையா படிக்காத மேதை .
படிக்காதவன், படிக்காத பண்ணையார்.
சொந்தக்காரன் ,சமையல்காரன் ,காவல்காரன்
வேட்டைக்காரன் முறைமாமன் தர்மராசா,

எங்கள் தங்க ராஜா . உழைப்பாளி
ஊருக்கு உழைப்பவன் ,ஊர்க்காவலன் ,
உழவன் மகன் , உத்தமபுத்திரன். அரிச்சந்திரன்
உத்தமன் , கண்கண்ட தெய்வம் ,தெய்வமகன்,

கல்யாணராமன் , என் பொட்டுக்கு சொந்தக்காரன்,
காவல் தெய்வம், இந்திரன் சந்திரன் ,மாயாவி,
உலகம் சுற்றும் வாலிபன், காதலன், கணவன்,
என் அண்ணன் , அப்பா, முறைமாமன், எங்கமாமா ,

மனிதாபிமானி, அன்பானவன், கருணையுள்ளவன்,
பச்சோந்தி, பிச்சைக்காரன், கொடுமைக்காரன் ,
காமுகன், தடிமாடு, சொரணை கெட்டவன், சோம்பேறி,
உதவாக்கரை, இளிச்சவாயன், குடிகாரன் வீரன்,

நம்பிக்கை நட்சத்திரம், சம்பாதிக்க வக்கில்லாதவன்,
சூதாடி, பொம்பள பொறுக்கி, போக்கிரி ,பொல்லாதவன்,
இம்சைக்காரன், ஏமாளி, பிழைக்கத் தெரியாதவன் ,
ரோசக்காரன், உருப்படாதவன் ,ஊர்சுற்றி, சுடுமூஞ்சி....

இப்படி ஏதாவதொரு பெயரை எழுதப் படிக்கத்
தெரியாதவளும் எழுதித்தான் வைக்கிறாள்
தன் இதயத்தின் அகராதியில், அவரவர் கண்ட
அனுபவ தடயத்தின் கல்வெட்டாய்.

*மெய்யன் நடராஜ்