ரசிகன்

காலை கதிரொளி,
புள்ளினத்தின் ஒலிச்சித்திரம்,
நுரைத்ததும்பும் பசும்பால்,
புனல் வழியும் ஓடை,
பாழ்பட்டும் பாழ்படாத பழையமுது,
தென்றல் வருடும் சோலையின் புன்னகை,
ஊஞ்சலாடிய மாமரத்து நிழல்,
சிற்றின்பம் தரும் ஆலமரத்திண்ணை,
பள்ளி மணியோசை,
வண்டுகளின் கும்மாளம்,
மாலை நேர கதைப்புகள்,
வானும் மண்ணும் முத்தமிடும் அந்தி,
முகில் தெளிக்கும் நிலவொளி,
இடையூரில்லா உறக்கம்...
இவையல்லா வேறென்ன ரசிக்கப்போகிறேன்?!