வீரமும் ஈரமும் நீயடா

வங்கக்கடலும்
வாய்பிளந்து பார்த்திட..
சிங்காரசென்னையும்
சினம்கொண்டு கூடிட.
எம்இனம் ஒன்றாய் இணைந்தது.
நம்முன்னே அனைத்தும் பணிந்தது
மாபெரும்புரட்சி இது
வரலாற்றின் தொடக்கம்.
மாணவஎழுச்சிக்குள்
நானிலமும் அடக்கம்.
வானத்து வெள்ளியும்
வாய்பிளந்து பார்த்தது.
மானமுள்ளதமிழினமே
நானிலத்தில் மூத்தது..
ஆண்களின் மத்தியில்
பெண்களும் வீரமுடன்.
காண்கின்ற கண்ணில்
கண்ணீர் ஈரமுடன்.
எதிர்காலம் வளம்பெற. திட்டமிடுவோம்.
எதிர்ப்போரை அழித்திட
வல்லூராய் வட்டமிடுவோம்.
வரலாறு நம்மையும் பேசட்டும்.
தரணியில் தமிழ்மனம் வீசட்டும்.