மேகம் போடும் தாளம்
இலவம் பஞ்சி கூட்டமே !
இயல்பாய் நகர்ந்து செல்கிறாய் !
இலக்குதான் என்ன ?
போகும் தூரம் அறியாமல் :
போவதுதான் எங்கே ?
இரவும் வந்துவிட்டதே !
இரவில் ஒளிரும் நிலாவை :
இடைஞ்சல் செய்யாதே !
குறுக்கே வருவதால் :
கும் இருட்டில் இங்கு -
குழந்தையும் அழுகிறது !
இடி ஓசையில் நீ போடும் தாளத்தில் :
இயல்பும் மாறுகிறதே !
இதயமும் நனைகிறதே !
உன் தாளத்தில் நான் நனைய :
மாதம் மும்மாரி -
மறக்காமல் வந்துவிடு !
மகிழ்ச்சியை தந்துவிடு !
