தியான மலை

*தியான மலை*
******************

என்ன சார்...
ஒரு வாரமா ஆளையே காணும்..?

இல்லப்பா...
நானும் பொறுத்து பொறுத்து பார்த்தேன்...
குடும்பத்துக்குள்ள ஒரே பிரச்சினை...!
மனசு சுத்தமா சரியில்ல...!!

சரி...
வீட்டுக்குள்ளேயே இருக்க முடியலேன்னு
அப்படியே...
கொஞ்சம் வெளிய நடந்து போகலாம்னு பார்த்தா...

சுத்தி எங்க பார்த்தாலும்...
ஒரே வெயில்.... தூசி... குப்பை...
இதெல்லாம் பார்க்கும் போது
கோபம் கோபமா வருது...

அப்பத்தான் என் பிரண்ட் சொன்னான்
வாழ்க்கையில ஒரு தடவையாவது...
ஒரு பவுர்ணமி அன்னைக்கு
தியானமலைக்கு போய்ட்டு வா
எல்லாம் சரியாகிடும்னு...!!

ஆள் நடமாட்டமே இல்லாத
அந்த இடத்துல என்ன அமைதி தெரியுமா..?
காற்று, மலை, மரம் அருவி...
எங்க பார்த்தாலும் ஒரே பசுமை...

உச்சியில ஒரே ஒரு சிவன்லிங்கம்...
அங்க ஒரு பத்து நிமிஷம்..
எதையும்மே நினைக்காம கண்ணா மூடி
தியானம் பண்ண...
என்ன நிம்மதி...

பேசாம...
அங்கையே இருந்திடலாம்னு தோணுது..!!

அடுத்த தடவ போகும் போது
குடும்பத்தோட போகலாம்னு இருக்கேன்..!

அப்படியாவது எங்க குடும்பத்துக்கு
நிம்மதி வரட்டும்...!

நீங்களும் வேணும்னா வாங்களேன்
எல்லோரும் ஒருதடவ,
அந்த சிவன...
தரிசனம் பண்ணிட்டு வருவோம்
என்று சொல்லி முடிக்க...

ஏன் சார்....
இப்படி எல்லோரு நிம்மதியா தேடி...
காடு மலைன்னு போனா...
அந்த மலையோட நிம்மதி யோய்டாதா..?

அங்கயும்
தூசி, குப்பை, பிளாஸ்டிக்ன்னு...!!


இவண்
✒க.முரளி (spark MRL K)