மகனே உனக்காக
தாங்குவேன் மார்பில் போட்டு
தங்கமே இமைகள் மூடு!
தூங்கிடும் போது நெஞ்சம்
தொட்டுனைக் கொஞ்சத் தோன்றும்!
பூங்குயில் கானம் கேட்டுப்
பூத்திடு செல்ல கண்ணா!
வாங்கினேன் ஆடும் பொம்மை
மகனுனக் காகத் தானே!!
ஏங்கிடும் தந்தை நானே
என்னுயிர் பிள்ளை நீயே!
ஓங்கிடு மன்பால் வென்று
உத்தம னாக வாழ்க!
ஆங்கிலம் பேச்சில் வேண்டா
அன்னையின் மொழியே போதும்!
தீங்கனிச் சாறா யின்பம்
தேடியே உன்னைச் சேரும்!
