வேறு வழியில்லை திரும்பவும் ஓடுகிறேன்
மூச்சிரைக்க வெகு தூரம்
ஓடி வந்து விட்டேன்.
நின்று முன்னால் பார்க்கிறேன் ,
நிறைய பேர் ஓடி கொண்டிருக்கிறார்கள் .
பின்னால் பார்க்கிறேன் ,
அங்கும் நிறைய பேர்
ஓடி வருகிறார்கள் .
நான் ஏன் இவ்வளவு தூரம் ஓடி வந்தேன்?
எனக்கு முன்னாலும், பின்னாலும்
ஏன் எதற்கு எல்லாரும்
ஓடி கொண்டிருக்கிறார்கள்?
நெடு நேரம் யோசித்தும்
எதுவும் விளங்கவில்லை.
இனி மேல் யோசித்து
ஆகப்போவது ஒன்றும் இல்லை,
திரும்ப ஓடுவது தான் உத்தமம்.
இதோ ஓட ஆரம்பித்து விட்டேன்,
மூச்சிரைக்கிறது,
யாருக்காவது தெரிந்தால் சொல்லுங்கள்,
நான் ஏன் ஓடிக்கொண்டிருக்கிறேன் ?
அவர்கள் ஏன் ஓடிக்கொண்டிருக்கிறார்கள் ?
