காந்தியத்தின் சாத்தியம், இப்பொழுதும் எப்பொழுதும்
அகிம்சை புரட்சிக்கு வித்திட்டு
உப்பு சத்தியாக்கிரகத்தாலும்
ஒத்துழையாமை இயக்கத்தாலும்
தப்பு செய்தவனைத் தடுமாற வைத்து
எளிமைக்கு இலக்கணம் வகுத்து
ஏழ்மைக்கு புதுப்பொலிவு கொடுத்து
வலிமைக்கு சவால் விட்டு
அப்போது காந்தியம் சாதித்தது
ஆங்கிலேயர் ஆட்சி மாற்றம்
இப்போதொரு காந்தியம் சாதித்தது
இங்கொரு ஜல்லிக்கட்டில் வெற்றி!
இப்போதைய இளைஞர்களின் பங்களிப்பே
இத்தகைய வெற்றிக்குச் சாத்தியமெனில்
"எப்போதும் காந்தியம் வெல்லும் இனி"
என்றொரு நம்பிக்கைப் பிறக்கின்றது!
