ஹைக்கூ கவிஞர் இரா இரவி
ஹைக்கூ ! கவிஞர் இரா .இரவி !
மரத்திலிருந்து விழுந்த இலை
பயணித்தது படகாக
குளத்தில் !
நினைத்தது ஒன்று
நடந்தது மற்றொன்று
தேர்தல் முடிவு !
தெரியவில்லை பிச்சைக்காரனுக்கு
கையில் உள்ளது
தங்கத்தாலான திருவோடு !
புதையலுக்கு
மேல் அமர்ந்து
எடுக்கிறான் பிச்சை !
பிறந்தநாள் கொண்டாட்டங்கள்
முடிகின்றது சண்டையில்
மதுவால் !
தொடர்பு எல்லைக்கு அப்பால்
உள்ளார் என்றது அலைபேசி
அடுத்த அறையில் உள்ளவரை !
பசை இல்லாததால்
பசை காய்ச்சி ஒட்டுகிறான்
சுவரொட்டி !
கோடிகளில் பணக்காரர்கள்
கோடித்துணி இன்றி ஏழைகள்
வாழ்க்கை முரண் !
இறக்க பல வழி சிந்திப்பவன்
வாழவும் வழி உண்டு
அதனை சிந்தி !
அடைகாத்த பாசம் உண்டு
குயிலின் மீது
காகத்திற்கு !
அறிவியல் அறிவுரை
வேண்டாம் திருமணம்
நெருங்கிய உறவுகளுக்குள் !
இன்னும் புரியவில்லை
இளையோருக்கு
எது காதல் என்று !
