நித்திரயில்லா இரவு
நிலவின் வெளிச்சத்தில்
நித்திரையின்றி தவிக்கிறேன்,
உலவும் மனதே -கொஞ்சம்
உறங்கவும் மாட்டாயோ!
கடந்த காலம் கடந்தாகி விட்டது ,
எதிர் காலம் என்ன வென்று அறியாய்,
எதற்கிந்த ஊசலாட்டம் - எதற்கும்
உதவா எண்ண ஓட்டம்!
இருப்பதை மறந்து,
இல்லாததற்கு ஏங்கும்,
மடமையின் உச்சமடி நீ!
மூளையை மயக்கும் மாயையடி நீ !
சராசரியை சகிக்க முடியாமல்
சதா புதுமை வேண்டுபவள்.
என்னுள் உய்க்கும் ராட்சசியடி நீ !
உன்னை ஏய்க்கும் வழியும் உண்டோ ?
