தென்னையின் கண்ணீர்
தென்னையாகிய நான்
உந்தன் அன்னை !
சத்தியமும் செய்கிறேன்
உன்னை நித்தமும்
காப்பேன் என்று !
மழை , வெயில் எதுவாயினும்
மானிடா உன்னை
காக்கும் குடிலாவேன் !
நான் வாடாமல்
நீ காத்தால் - உந்தன்
நா வறடாமல்
நான் காப்பேன்..!
முக்கண்ணனின்
மற்றொரு ரூபம் நான் !
இறை வழிபாட்டில்
உனக்கு உதவியாவேன் !
பால் கொடுக்கும்
கனி நான் !
புரதத்தை கொடுக்கும்
என்னை புறக்கணிக்காதே..
எடுத்துக்கொள் - என் கனிகளை
உந்தன் பசியையும் போக்குவேன்!
சுவையையும் கூட்டுவேன் !
கொப்பரையானாலும்
குப்பையில் போவதில்லை !
கேசத்தின் குறைகளை
கேள்வி குறியாக்குவேன் !
தென்னந் தெழுவு - உனக்கு
தெம்பாக்கும் !
எந்தன் கருப்பட்டியோ
கட்டுடலை கம்பீரமாக்கும் !
சிரட்டை கொண்டு
சிறுவர் விளையாடியும்
நீராதாரம் உண்டும்
மகிழலாம்..
எந்தன் ஓலை கொண்டு
உந்தன் மூளை செயல்படுத்து !
எந்தன் நார் கூட
நாணாக !
குருத்து கூட
தோரணமாக !
முடி முதல்
அடி வரை
இருந்தும் - இறந்தும்
காப்பாற்றும் நான் …
உந்தன் அன்னைக்கு
நிகரானவள் !
என்னை அழிப்பது
எவ்வகையில் நியாயம் ?!
இப்படிக்கு,
இளநீர் கொடுக்கும் நான்
கண்ணீரோடு இங்கு !
