பஞ்சப்படி

பஞ்சப்படி
💸💸💸💸💸💸💸
ஆண்டுக்கு இருமுறைதான் கருத்தரிப்பாய்
அரையாண்டுக்கு ஒரு முறைதான் நீ பிறப்பாய்

நோய்த்தொற்றால் நீயுமா நோயுற்றாய் ? அதற்கு
மூன்றுமுறை ஏனம்மா கருக்கலைத்தாய் !

பஞ்சத்தைப் போக்கத்தான் வடிவெடுத்தாய் - யார் வஞ்சத்திற்குப் பழியாகி உனைக்கெடுத்தாய் ?
மளிகை கடையும் காய்க்கடையும் திறந்திருக்கு ,
மனித வயிறும் வாங்கி தின்னே பழகிருக்கு !

கருத்தரித்த சேதிக்காக காத்திருந்தேன் - பேரவை கைவிரித்து விட்டதின்று பெருமூச்சு.. வெள்ளை அறிக்கை தருவதாகச் சொல்வதனால் - உன்
பிள்ளை பேறில் பிழையேதும் நேரலாமோ?

தடுப்பூசி மூன்று கூட வந்திருச்சு - நாங்க
தவிர்க்காம இரண்டு கூட போட்டாச்சு.. தாய்க்குலமே நீயும் வந்து போட்டுக்கடி - அப்போதேனும்
தங்கிடட்டும் உன் வயிற்றில் அகவிலைப்படி......
💵💵💵💵💵💵💵💵