அப்பா அப்பா நீயப்பா

அப்பா அப்பா நீயப்பா;
ஆண்ட தெய்வமே நீதானப்பா;
மாண்டே போனாலும்;
மீண்டும் மீண்டும் மனதில் நின்றாய் அப்பா;
அப்பா நீ என் ஆயுல் ரேகை அப்பா;
உண்டோ உறங்காமல் ஊமையாய்,
உயிர் கொடுத்து வளர்த்தாய் அப்பா;
வந்த கஷ்டங்களை மனசில் ஏற்றி மகிழ்சியாய் எங்களை வைப்பாய்;
அப்பா என்றால் அப்பாவி;
அப்பா என்ற வார்த்தையைக் கேட்டால் ,
ஆயிரம் யானை பலம் பிறக்கும்;
அப்பா என்றால் அப்பும் பாசம்;
அப்பா பாசம் அப்படியே மனக்கும்;
சுத்தமான பாசம்; சுகம் துக்கம் தங்கிய பாசம்;
தப்பாய் என்னை வளர்க்காது தலை நிமிர வைத்த பாசம்;
தந்தையாய் இருந்து தந்தாய்;
அனைத்தையும் தடுமாற விடாது,
தலைக்க வைத்தாய் அய்யா;
நீயென் அதிசயப் புத்தகம்;
கல்லாய் நின்றாய்; கடமைகளைச் செய்தாய்;
சொல்லாமல் தந்தாய்; சொல்லியே தந்தாய் உழகில் வாழ;
ஊன்றுகோலய் நின்றாய்;
உண்மை உலகை காட்டினாய்;
தந்தையாய் நின்று தந்தாய் வித்தைகள் பல;
தண்டிக்கவும் செய்தாய்; கண்டிப்பாய் இருந்தாய்;
கடமைகள் செய்ய கற்றுத்தந்தாய்;
கனிவாய் இருந்தாய்; கண்கலங்க வைத்தாய்;
குடும்ப சுமையை சுகமாய் தூக்கியே,
குறை தெரியாது வளர்த்தாயே அப்பா;
துக்கத்தை உன்மனதில் சுமந்தாய்,
தொல்லைகள் பல வந்தாலும் தொடர்ந்தே வந்து துடைத்துவிட்டாய்;
உனக்கென்று எதையும் வைத்துக்குள்ளது,
உன்பிள்ளைகளுக்கு கொடுத்தே மகிழ்ந்தாய்;
உள்ளுக்குள் வெந்தாலும்; உடல் வருத்தியே வளர்த்தாய்;
கடனை உடனையாவது வாங்கி கண்ணும் கருத்துமாய் வளர்த்தாயே அப்பா; கஷ்டத்திலும் கண்ணீர் வடிப்பது தெரியாது;
கவலையை வெளியில் காட்டாது வளர்த்தவன் நீயே அப்பா;
ஓட்ட சைக்கில் தான், ஓரு பக்கம் சரிய மூச்சிக் காத்தை வாங்கியே,
மிதித்து போனாயே;
வச்ச என் கண்ணும் வடிக்குமே ஆயிரம் கண்ணீர் துளிகள்;
பிச்ச மனசில பிசினாட்டம் ஒட்டி புட்ட;
எத்தனை வதைகள், எங்கெங்கே இழிவுகள்;
எல்லா வற்றையும், மௌனமாக சுமந்தாயே;
போட்டி உலகத்திலே போராடி போராடி காப்பாற்றினாய்;
பொல்லாத உலகம், உனக்கு கொடுத்ததெல்லாம்,
இல்லாமை பட்டம்.
பொத்தி பொத்தி வளர்த்தாய்; புத்தியை போதித்தாய்;
இரவுல வந்து எழுப்பியே கொடுத்த,
ஒரு வாய் பால்சோறுலதான், உன்பாசம் வடிந்ததையா;
கட்டாத வயிற்றிலே, கால் கஞ்சி குடிச்சிவிட்டு,
வம்பாக பல வேலை வீம்பாக செய்தாயே.
மஞ்சப்பை பவாசம், மனசுல வீசும்;
மாடாய் சுற்றி ஓடாய் மெலிந்து எங்களை காத்து வந்தாய்;
ஊமையாய் இருந்தாய்; உழைத்தே குடும்ப பாரத்தை சுமந்தாய்;
உலகம் பொல்லாதது என்பதை கற்றுத்தந்தாய்;
கண்ணில் கோபத்தை காட்டினாலும்;
கண்ணியத்துடன் வாழ கற்றுத்தந்தாய் ;
இறுக்கமாக இருந்தாலும் இதயதில் பாசத்தை வடித்தாய்;
எங்கள் இதய தெய்வமே நீதானப்பா;
சுமைதாங்கியாக நீயிருக்க, சுகமாய் நான் வளர்ந்தேன்;
இடிதாங்கியாக நீயிருக்க,
இரவும் பகலும் இன்னல்கள் இடையூறு தெரியாமல் நான் வளர்ந்தேன்;
வேர்வை சிந்தை வேதனை சுமந்து
வெளியில் காட்டாது என்னை வளர்த்தாய்;
வேராய் நீ தாங்கினாய்;
விருச்சமாய் நாங்கள் வளர்ந்தோம்;
உடலை வருத்தி உயிரை எங்களுக்காக தந்தாய்;
உன் தோள்பட்டையில் ஏறி பயணம் செய்ததை நினைத்தாலே;
சுகமோ சுகம்தான்;
கடவுளை நீ இருந்தாய்,
கடமைகள் பல செய்தாய்;
பிஞ்சி வயதில் என்பாதம் உன் நெஞ்சில் பதிய;
கொஞ்சி விளையாடினாய்;
பத்துமாதம் வயிற்றில் சுமந்தாள் தாய்;
பத்திரமாக வாழ்நாள் முழுவதும் சுமந்தவர் என் அப்பா;
பெண் குழந்தையின் ஹீரோவே அப்பாக்கள்;
எனக்காக வாழ்ந்தவர் எங்கள் அப்பா;
என்னுள் இன்றும் என்றும் வாழ்பவர் எங்கள் அப்பா;
காலையில எழுப்பிவிட்டு, கட கடனு படிக்க வைச்ச;
தன் மானத்தைத் தள்ளியே வச்சி;
என் மானத்திற்காக எங்கெல்லாம் கடன் வாங்கினாயோ;
ஏணியாய் இருந்தாய்; ஏற்றி விட்டே மகிழந்தாய்;
கதைகள் ஆயிரம் கூறி வளர்த்து புட்ட;
வேதாளம் கதைதான் விரு விருன்னு கேட்டுபுட்டேன்;
சைக்கிளில் தான் வச்சி என்னை சுத்திபுட்ட;
மிதிச்ச சைக்கிள பாசத்தை சுமந்து என் மனச தச்சிபுட்ட;
சிறுவயது நினைப்பு இது;
பருவம் மாறினாலும், உருவம் மாறினாலும்,
உங்கள் மேல் கொண்ட பயம், இன்னமும் கண்கள் சொல்லும்;
எங்கே போய் சொல்லுவேன்;
ஏங்கிய அன்பை.
எங்கய்யா எனக்கே அய்யா;
எல்லாத் தொல்லைகளையும் எங்களுக்காக தாங்கிய அய்யா;
தூங்கிய நேரம் சிலமணிகளே அய்யா;
சிறுத்தையாய் பாய்ந்தாலும் சிரிக்க வைத்தவர் அவர் அய்யா;

பக்கோடா பால்கோ வோ வாங்கித்தின்ன நாக்கும் நன்றி சொல்லும்;
படித்த காலத்திலே பைசா இல்லையென்றாலும்,
பொறிகடலையை வாங்கிக் கொடுத்து,படிக்க வச்ச
வேலை கிடைக்காத நாட்களிலே வெறுதாக இருந்தாலும்;
சிரமம் பார்க்காமல், சினிமா பார்க்க காசு தந்த;
நீ படிக்காத மேதையய்யா;
வேலை கிடைத்த காலத்திலே பெருமை பல பேசி திரிந்தாய்;
எங்கப்பா எனக்கு ஹீரோதான்;

அப்பா என்றால் அப்படியே அப்பும் பாசம்
எத்தனை அப்பாக்கள் உலகிற்கு வந்தாலும்,
எங்கப்பா எனக்கு தங்கப்பாதான்.
தந்தையர் தினம்- ஜூன் 19 - தரும் ஆயிரம் ஆயிரம் பலம்;
தன்னையே அர்ப்பணித்த தந்தையை;
தந்தையர் தினத்தன்று தலை குனிந்து,
கை கூப்பி வணங்கியே போற்றுவோம்.