இராசாத்தி வந்துநின்றே எண்ணு கின்றாள் - எண்சீர் ஆசிரிய விருத்தம்

எண்சீர்க் கழிநெடிலடி ஆசிரிய விருத்தம்
(காய் காய் மா தேமா அரையடிக்கு)

கிராமத்துத் தெருவினிலே கெட்டி வீடு
..கேட்கின்ற ஒலியெல்லாங் கிறங்க வைக்கும்!
அரிநெல்லி மரங்களெலாம் அருமை யாக
..அங்கங்கே காய்ச்சிருக்கும் அறிந்தே சொன்னேன்!
பரங்குண்டு விளையாட்டும் ஆடு கின்றார்
..பாங்குடனே திண்ணையிலே பார்க்க லாமே;
இராசாத்தி வந்துநின்றே எண்ணு கின்றாள்
..என்கணவன் இங்கிலையோ என்று சொல்லி?

- வ.க.கன்னியப்பன்