நெஞ்சிலே நினைவு எதற்கு
கிள்ளியெறிந்திடவும் முடியாமல்
சொல்லியழுதிடவும் முடியாமல்
நெஞ்சில் நிழலாடிப்போகிறது - அவளின்
நீர்த்துப்போன நெருக்கங்கள்!
புன்னகைபூத்த சிரிப்புகள்
பூகம்பமாய் வெடிக்குது
போனவளின் புருவவிழிகள் -என்னில்
போரொன்றை தொடுக்குது!
ஈருடல் ஓருயிராய்
இரவுகளின் நீண்டகதை
இதயத்துடிப்பை நிறுத்தி - எழுதுகிறது
ஏக்கங்களின் சோகமதை
என்னவளின் சிதையை
எரிதழல் ஏந்திச்செல்ல
ஏகாந்த நினைவுமட்டும்
என்னையே எரிக்குது
என்னோடே வாழ்கின்றாள்
என்கின்ற நிதர்சனமிருக்க
மரணதேவன் வரும்வரையில்
மங்கையவள் நினைவு எதற்கு?
