பரப்பற்க பந்த ரகத்து - ஆசாரக் கோவை 45

இன்னிசை சிந்தியல் வெண்பா

துடைப்பந் துகட்காடு புல்லிதழ்ச் செத்தல்
கருங்கலங் கட்டில் கிழிந்ததனோ டைந்தும்
பரப்பற்க பந்த ரகத்து! 45

ஆசாரக் கோவை

பொருளுரை:

துடைப்பம்,

துகளோடு கூடிய சிதறிய குப்பை,

பூவின் உதிர்ந்த புறவிதழ்,

பழமையான கரிச்சட்டி,

கிழிந்த கட்டில்

ஆகிய இந்த ஐந்தையும் நற்காரியங்கள் நடை பெறும் மணப்பந்தலின் கீழ் பரப்பக் கூடாது.

துடைப்பம் – பெருக்குமாறு, துரால் - செத்தை. செத்தல் – பசுமையற்றது,
புல்லிதழ் - மலரின் மேற்புறத்துள்ள இதழ், புறவிதழ், அகவிதழ் – அல்லி எனப்படும்.