கோடி தவிப்புக்களுடனான 

என் இரவு

இவ்

இராப்பொழுது 

புலர்ந்துவிடக் கூடாதெனும்

உள் மன ஆதங்கம்❤️

நான் உன்னவனாயும்

நீ என்னவளாயும்

வாழும் இறுதி கட்ட

இந்நிமிடங்களின்

ஆர்ப்பரிப்பு❤️

பரிதவிப்புடனான நம்

பரஸ்பர உரையாடல்களை

மீண்டும் மீண்டும் நினைவுபடுத்திச்

செல்லும் மெல்லிய தென்றல்❤️

நான் செல்லப்போகும்

இடங்களெல்லாம்

உன் எழில் கொஞ்சும் வதனம்

தோன்றப் போகும் ஏக்கம்❤️

உன்னை மீட்டும்

வீணையாய் நானும்

நாதமாய் நீயும்

சென்ற தடங்கள்

கோர்த்த கரங்கள்❤️

எப்போதும் இனி வராத 

அந்த இராகங்கள் 

நினைவுகளின் சங்கமமாய்❤️

அந்த நிலவுக்கு கூட 

தெரிந்திருக்கும் போல 

என்மனம் போன்றே

அதுவும் இன்று இருளாகவே❤️

அமாவாசையாம்

என் மனதுக்கு கூட

அமாவாசை தானே...இன்று !

விடியும் நிமிடங்கள்

மணமாலையுடன்

மங்கலகரமாய்

மன மகிழ்வுடன் 

மணப்பந்தலில்

மணவாளனுடன்

தேவதை - நீ 👩‍🔧

ஆணான காரணத்தால்

அழுதிடவும் முடியாமல்

வஞ்சனை செய்தோரை

நிந்திக்கவும் முடியாமல்👨‍🎤

சிந்தனை வெறுமையாக

மனமெங்கும் ரணமாக

ஆறாத வடுவாய் 

உன்நினைவுகளின்

சுமைகளுடன்

விடியாத இரவின்று

வேண்டுமென 

வேண்டுகிறேன் 

மீண்டுமொரு

பிறப்பிலேனும்

வேண்டுமடி 

என்னவளாய்

நீ எனக்கு...!❤️❤️❤️

💜கவிதா லலித்💜