Nee Vendum
நீ இல்லை என்றால்
வாழ்கையும் இல்லை
என்பதல்ல ......
நீ எனக்கு
வசந்த பூங்காற்று
உன் நினைவெனக்கு
செந்தமிழ் தாலாட்டு
உன் புன்னகை
பூ மழை தூவும்
என் காதல் தேசம்
உன் பூவிழிகள் தான்
புதைந்து போன என்
கவிதைகளை
புத்துயிர் பெற செய்தவை
நீ இல்லை என்றால்
வாழ்வில்லை என்றில்லை
பூந்தோட்டமல்ல
என் வாழ்வு
மலர் பாதைகளும் அல்ல
என் பாதைகள்
மானுடத்தின் துன்பங்களும்
மகிழ்ச்சியான தருணங்களும்
உண்டு என் வாழ்விலும்
தவறில்லாமல்
வாழ நினைத்து
தவறியவர்களில்
நானும் ஒருவன்
நானும் வாழ்ந்து
பிறர்க்கும்
உதவிட விருப்பம்
எனக்கு
என் வாழ்வு
எனக்குண்டு
என் தவறுகள்
யாருக்கும் காயமில்லாமல்
என் வாழ்வில்
நீ வேண்டும்
நீ இல்லை என்றால்
வாழ்வில்லை என்றல்ல
நீ என் மனவசந்தம்
வாசம் வீசும் வண்ணப் பூ மலர்
எனவே தான்
நீ வேண்டும் எனக்கு
