நிழல்கூட அழகு
வான் கொண்ட நிலவுக்கு
மூன்றாம் பிறை அழகு...
தேன் கொண்ட மலருக்கு
அதன் நிறம், மணம் அழகு.....
கண் கொண்ட காதலிக்கு
துடிக்கும் அசைவு அழகு....
பண் கொண்ட பாடலுக்கு
கவிதை வரிகள் அழகு...
பொன் கொண்ட கைகளுக்கு
வீசி நடக்கும் நடை அழகு....
தான் கொண்ட மார்புக்கு
ததும்பும் அலைநிலை அழகு....
வீண் கொண்ட ஊடலுக்கு
வந்துருளும் கோபம் அழகு...
மான் கொண்ட கோபத்திற்கு
முடிவினில் உரசும் முத்தம் அழகு....
விண் கொண்ட பாருக்கு
விளைந்ததெல்லாம் அழகு....
உன் கொண்ட இதழ்களுக்கு
தேன் ஊரும் நா அழகு....
நான் கொண்ட காதலுக்கு
நீ மட்டும்...
இல்லை... இல்லை...
உன் நிழல் கூட அழகு தான்...!
