ஈழத் தமிழச்சியின் புலம்பல்
தாலாட்டு கேட்டு
கண்மூடிய குழந்தைகள்
இன்று - பீரங்கிகள் பாடும்
தாலாட்டில் உயிர்மூடின ..
தொப்புள் கொடியருக்கா
என் குழந்தைகளுக்கு
தொட்டில் கொடியன்று
வெட்டில்கொடி காட்டினர்....
தனிமைகண்டு பயந்தமக்கள்
உறவை கண்டு பயந்தனர்
எங்கு இருக்கும் அவ்வொருஉறவும்
பிரிந்து விடுமோ என்று !
குழந்தையின் பல்பட்டு
காயம்கொண்ட மார்பகங்கள்
இன்று தோட்டாக்கள்
கடித்து காயம் கொண்டன !
கொத்து குண்டுகள் வீசி
கொன்று குவித்தனர்
உடலை வதைத்தனர்
சிலரோ அதையும் ரசித்தனர் !
உறவுகள் என்று
சொல்லிக்கொள்பவர்கள்
இமயத்தினின்று
சிரிக்கின்றனர் இன்றும் !
