காதல் kavithai
உன் கண்கள் மூடிவிட
பகலும் மறைந்ததென
நிலவும் வந்து விடுமோ !
இது காமன் கண்ட
இதழ் பிளந்து விட்டதென
தேனீ வந்து விடுமோ !
மேகம் கண்டு உன்னை
தீண்ட வந்ததென
மழையும் சேர்ந்து வருமோ !
தேகம் நனையும் என
திரும்பி சென்றதடி
மழையும் கண்ட அழகோ !
பூக்கள் பார்த்து
புது தேசம் என்று
உனில் மயங்கி விழுந்து விடுமோ !
பாதம் வலிக்கும் என
புது பாதை தந்து விட
இது பூக்கள் தந்த இதமோ !
முழுநேரம் மதியை கண்டது
சூரியன் தானம்மா !
முழுநேரம் மறந்து போனது
உன் பார்வையில் நானம்மா !
முகம் தேடி
வானவில் வந்தது
புது ஓவியம் நீயம்மா !
அகம் தேடி
நானும் வந்தது
என் காதலை சொல்லம்மா !
சுடிதாரில்
சாலையில் வந்தது
ஏனடி அம்மம்மா !
சுடும் தாரில்
பாதமும் பட்டதில்
சாலையும் வெந்ததம்மா !
கரம் பிடித்து வந்தவன்
நானடி செல்லம்மா !
சிரம் தேடி
தாழியும் தந்தது
காதலன் நானம்மா !
(சதீஷ்கவிதை)
