சென்னை

அண்டை மாநிலத்து அகதி
சொந்த மாநிலத்து யுவதி

ஒற்றை வரி விலாசத்தோடு
விசயமறியா சம்சாரி

கேள்வி ஞானத்தில்
முகவரி இழந்து
மருத்துவமனை தேடும்
கிராமத்து மக்கள்

எண் தெரிந்தும்
தடம் மாறிய
பேருந்துப் பயணத்தில்
அறுபதைத் தொட்ட
அனுபவசாலிகள்

இலவசமாய் சுற்றும் பூமி(யில்)
இடம் வலம் சுற்றி
இமைப்பொழுதில்
இருப்பைத்தாண்டி
இருபதைக்கேட்கும்
ஆட்டோ நண்பர்

வழி தவறிய இரயில் பயண
அவசரத்தில்
தண்டவாளம் துண்டுபோட்டு
வாழ்க்கையிழந்த வாலிபர்கள்

சுற்றித் திரிந்த
பறவைக் கூட்டம்
சிக்னலில் குழம்பும்

வெண்ணையில் வெள்ளெள்ளைத்தேடிடலாம்
சென்னையில் சில விலாசங்கள் கேளவிக்குறியே.