திரைப்படங்கள்
கதைகள் பல சொல்லி
கலையாய் அதை ஆக்கி
காதல் கதை புணைந்து
கனிவு பல உணர்த்தி
கவர்ந்திடும் திரைப்படங்கள்!
வெண்மை நிறப் பெண்ணொருத்தி
வெறுந் திரையை அலங்கரித்து
வேடம் பல உருமாற்றி
வெற்றுளத்தில் சுமையேற்றி
வௌ்ளித் திரை வெற்றி பெறும்!
நவரசங்கள் முன் வைத்து
நளினங்கள் கொண்டு வந்து
நடிப்பதனைக் கொண்டவர்
நாடுகள் பல கண்டவர்
நடிக்கும் வண்ணத் திரைப்படங்கள்!
பாடலாடல் எமைக் கவரும்
பதமாய் எமை ஆட்டிவைக்கும்
பண்புகள் நன்றாய் முன்வைக்கும்
பண்கள் பல தித்திக்கும்
பொன் முட்டையிடும் திரைப்படங்கள்!
சிலேடை மொழி பலகூறி
சிறுமை பட அதில் வைத்து
சிந்தை ஓடம் வேறுபட
சிறியோர் மனங்கள் மாறுபட
சீர்குலைக்கும் திரைப்படங்கள்
காரணமில்லாக் காட்சிகளும்
கடுகளவில் கருத்துக்களும்
கவருகின்ற காந்தம் போல்
கலைஞரெல்லாம் கவருகின்ற
கரும்பினிக்கும் திரைப்படங்கள்!
புன்னகைக்கும் சில படங்கள்
பூத்திடுமே இள நகைகள்
பண்பிலா வார்த்தை சில
படிப்பினை இல்லா காட்சி சில
பல சேர்ந்த திரைப்படங்கள்!
கவலை கொண்ட காட்சி கண்டு
கணமாய் உள்ள மதி கொண்டு
கண்கள் நீரை மறைவாய்ச் சிந்தி
கரங்கள் அதைக் காய வைத்து
கனமாய்க் கவரும் திரைப்படங்கள்!
பொழுதைப் போக்கும் திரைப்படங்கள்
பொறுமை இழக்கும் சில படங்கள்
பொன்னாய் காலம் வீணாகும்
பொன் பொருளாய் சில படங்கள்
பல சொல்லும் திரைபபடங்கள்!
