தோற்ற மாயைகள்----அஹமது அலி----
காண்பதும் கண் தான்
காட்சியும் முன் தான்
ஆயினும் மாயைகள்.....
[0]-----
கண்ணுக்குள் பொருட்கள்
வெளியே பிம்பங்கள்
ஒளியில் காட்சிகள்
என்ன நிலைகள்...?
[0]-----
பூமிப்புள்ளி
சமுத்திரச் சொட்டு
ஆகாயக் கூரை
நூலாம்படை மேகம்
மழையொழுகள்
விழிகளில் விழுகல்
விலகல்.....
[0]----
சல்லடை வானம்
மின்னல் தோரணம்
ஒலியுருளுமிடி
ஓடி ஒளியும் நிலா
காணத் துடிக்கும் விருப்பு
காட்சிகள் மறுப்பு.......
[0]----
நண்பகல் சாலை நதி
நடுநிசி சிந்தும் அமைதி
வெண்பனி குளிரும் விதி
வெஞ்சுடர் உமிழும் கொதி
காணப் பிரியம்
இல்லை உபயம்....
[0]----
மின்சார ஓட்டம்
மின்மினிக் கூட்டம்
மிதவை தோட்டம்
மேகார ஆட்டம்
ரசிக்க ரசிப்பு
ரசனை தவிப்பு.....
[0]-----
மோகிக்கும் ஆவல்களை
தகிக்கும் நாவல்களாய்
மர்மங்கள் மருள
தொடர்கிறது
தோற்ற மாயைகள்....
