நெகிழி தவிர்ப்போம் விரைந்து
நெகிழி என்றால் பிளாஸ்டிக் என்று பொருள்
நெகிழிசெய் பைகளை பயன்படுத்தா விட்டால்
மகிழ்வாக வாழலாம் நாமும் - சகமிதில்
மாசைக் குறைத்து உலகம் இனிமைபெற
ஆசைகொண் டேவடித்தேன் பா !
பாரிலே நெகிழி தனையும் தவிர்த்தாலே
மாரிகூட தேனாய்ப் பொழியுமே - காரிகையாம்
அன்னை நிலத்தாய் செழிப்புடன் வாழுதற்கு
இன்னல் தரும்நெகிழி நீக்கு !
நீக்கினாலும் போக்கினாலும் மாளா அரக்கனிவன்
தீக்கிரையாய் ஆக்கினாலும் தீதாவான் - தூக்கியே
தூரம் எறிந்தாலும் மக்காமல் நின்றிடுவான்
பாரமிவன் நம்முலகுக் கே !
-விவேக்பாரதி
