நீ இல்லை

நீ இல்லை!!

எழுத்துக்களோ வார்த்தைகளோ பிடிபடவில்லை
உணர்வும் உணர்ச்சியும் உயிர்த்தெழவில்லை
சூரியன் உதிப்பதை அறியவில்லை
பொழுதுகள் மாறுவதை உணரவில்லை
உற்றார் உறவினரை தேடுவதில்லை
உன் மீதான என் அன்பு மாறவில்லை!!

கற்பனை எழவில்லை
கவி மொழியவில்லை
பயணத்திற்கு பாதையுமில்லை
கால்களில் சக்தியுமில்லை
பிணமும் ஆகவில்லை
வாழவும் தெரியவில்லை!!

எது மீதம் உள்ளது என்று புரியவில்லை
நீயோ அடுத்த வாழ்வை துவங்க தயங்கவில்லை
என் வாழ்வை நினைக்கவில்லை
என் உயிர் என்னிலில்லை
உயிர் துறக்க வழியுமில்லை
அழுவதற்கு கணங்களில் கண்ணீரும் இல்லை !!


நானாக நானுமில்லை
என் வாழ்வில் நீ இல்லை !!