வெல்லும் வரை, எப்பொழுதும்

சூரியனை ஒத்த நின் துணிவுடன்
வரலாற்றின் உயரங்களிலிருந்து
உனை நேசிக்க கற்றுக் கொண்டோம்.

தெளிவுமிக்க ஆழமான
உன் இருப்பு,
இங்கு தெளிவாய் தெரிகிறது.
கமேண்டர் சே குவேரா!

உன் புகழும், வலிமிகு கரமும்
வரலாற்றில் பெறும் வெற்றியைக் காண,
சாண்டா கிளாரா முழுதும்
விழித்தெழுகிறது.

உன் ஒளிமிகு புன்னகையால்
வெற்றிக் கொடியை நாட்ட,
வசந்த சூரியன்களைக் கொண்டு
காற்றுகளை எரிக்க வருகிறாய்.

விடுதலையளிக்கும் உன் கரங்களின் திண்மைக்காக
எங்கு அவர்கள் காத்திருக்கிறார்களோ,
அங்கு
புரட்சிகரமான உன் காதல்
புதியதொரு பாதையில் பயணிக்கிறது.

உன்னுடன் நாங்கள்  சேர்ந்து செயல்பட்டது போல்,
தொடர்ந்து செயல்படுவோம்.
ஃபிடலுடன் சேர்ந்து சொல்வோம்:
"இதுவரையில்
இனி எப்பொழுதும், கமேண்டர்!"

தமிழில் : சக்கரவர்த்தி பாரதி