கல்யாண தரகர்

கல்யாண தரகர்

கல்லூரி வாயில்
திரைப்பட கொட்டகை
நவீன மால்கள் நடை பாதைகள்
நெடுஞ்சாலை, பூஞ்சோலை என

பல காலம் தவம் கிடந்தும்
பலனற்று மனம் உடைந்து
தாரம் ஒன்று தருவீரா என
தரகரிடம் நான் கேட்டேன்;
தலையிலிருந்து கால் வரை நோக்கி
வெற்றிலை வாயில் மென்றபடி
முகத்தை முன் சுளித்து
தரகர்தம் கூறுகிறார்:

படிப்பற்ற பெண்களும் உண்டு
பள்ளி படி ஏறியவர் உண்டு
மேற் பள்ளி சென்றவருண்டு
கல்லூரி கடந்தவருமுண்டு;


பேரழகி பலரும் உண்டு
வேலை தெரிந்த சிலரும் உண்டு
அருகதையற்ற அண்டையாரிடம்
சண்டையிடும் குண்டரும் உண்டு;

மேல் நாட்டிர்க்குகந்த பெண்டிரும் உண்டு
பொய் பல் மாட்டிய கிழவியும் உண்டு
மரபுடைய பல மாதரும் உண்டு
மரபற்ற விலை மாதரும் உண்டு;
மாத வருமானத்தை நாளொன்றிலேயே
கரைய வைக்கும் விரயவருண்டு;
காந்தலை போல் கருஅழகியுமுண்டு
பிறை சந்திரன் போன்ற பேரழகியும் உண்டு;

பேராசை உடைய பெரு வீடும் உண்டு
சிற்றாசை தரும் சிறு வீடும் உண்டு;
பரந்த மனமுடைய பெருமனும் உண்டு
இடுப்பளவே உயர ஸ்பெஷல் சைசும் உண்டு;

மற்ற ஆசையிருப்பின் வேறு சிலவும் உண்டு
அரும்பு மீசை அழகனும் உண்டு;
இலவச பட்டியல் இத்துடன் தீர்ந்தது
இனிமேல் கூறுதல் செலவுடன் ஆகும்;

கண்ணளவில் காதலே
ஐயோ போதுமென
அங்கிருந்து அதிர்ந்து
அடி நான் பெயர்ந்தேன்!

சம்பத்