காகித கப்பல்
காகிதத்தில்
கப்பல் செய்த -என்
கை விரல்கள் இன்று
கவிதை எழுதுகிறது!
தூக்கம் அறியா- என்
இரவுகள் இன்று
என்னை தூங்க சொல்கிறது
கனவுகளுக்காக !
பசி தாங்க என் உணர்வு
இன்று தாங்கிகொள்கிறது
உன்
நினைவுகள் நிரம்புவதால்!
தூரத்தில் நீ இருக்கும்போதே
இப்படி ஒரு
மாற்றம் என்றால் - நீ
என் அருகில் வந்தால்
இதழ் தாகம் தீர்ந்துவிடும்!
இமை கதவு மூடிவிடும் ..................
என்றும் அன்புடன்
அ.மனிமுருகன்
