துளிப்பா ஹைக்கூ கவிஞர் இரா இரவி
துளிப்பா ! ஹைக்கூ ! கவிஞர் இரா .இரவி !
மனிதரில் இல்லை
மலர்களிலும் இல்லை
உயர்வு தாழ்வு !
தேநீரெனப் பருகினான்
கதிரவன்
மலர்களில் பனித்துளிகள் !
வேரிலிருந்து
பயணித்தது
கிளைகளுக்கான சத்து !
குளத்தில்
தன் அழகை ரசித்தது
மரக்கிளை !
வருந்துவதில்லை
வெட்டிய வடுக்களுக்கு
பனைமரம் !
கிளைகள் வெட்ட வெட்ட
உயரம் வளர்ந்தது
பனைமரம் !
கழிவுநீர் உறிஞ்சி
இளநீர் தந்தது
தென்னை !
வெளியே கடின முள்ளாய்
உள்ளே இனிக்கும் சுளையாய்
பலா !
இவ்வளவு அழகாய்
பவளம் அடுக்கியது யாரோ
மாதுளம் பழம்!
காரணப்பெயர்
ஆறு ஐந்து சுளைகள்
ஆரஞ்சு !
