மாண்பு மிகு மாணவர்களே

மாண்புமிகு மாணவர்களே
இதோ இந்த கவிஞனின்
சிரம் தாழ்ந்த வணக்கம் ..........

சமூக சிந்தனை முன்னெடுத்த
எத்தனையோ போராட்டங்களின் வரிசையில்
இன்று மது ஒழிப்பு போராட்டம் ............

மனித இனைத்தையே மயக்கிய மது
இன்று துரத்தப்படுகிறது தமிழகத்தின் எல்லைவரை
வலியை உணர்ந்தவர்கள்
வழியனுப்ப துணிகிறார்கள் இன்று ..........

உயிர் தியாகங்களை கூட
கொச்சைப்படுத்துகிறது வருமான வெறி -
அரசாங்கத்தின் அடக்குமுறைகள்
அன்றாடம் அச்சுறுத்தல்களாகவே ..........

அடங்கி ஒடுங்கிட அச்சத்தில் அடங்கிட
மாணவர் கூட்டம் கோழை கூட்டமா ?
வல்லரசு நாடுகளையே வாயடைக்க வைத்த கூட்டம் மாணவர் கூட்டம்
மறந்துவிட்டதா மக்கள் அரசு ...........

சிறையில் அடைத்துவிட்டால்
சிதைத்துவிடலாம் போராட்டத்தின் வலிமையை
என்று தப்பு கணக்குபோடும்
அரசாங்கத்தின் எண்ணம் மண்ணைத்தான் கவ்வ போகிறது .......

சிங்கத்தை சிறையிலிட்டாலும்
வீரத்தை விலைக்கு வாங்கிட முடியுமா என்ன ?
அடக்கு முறையில்தான் எத்தனையோ அரசாங்கங்களின்
அதிகாரம் பறிக்கபட்டிருக்கிறது .............

எதிர்கால தமிழகத்தை
தலைகுனிய வைத்திருக்கும்
மதுவிற்கு மரணநேரம் வந்துவிட்டது ......

பெரும்பாலான மாற்றங்களுக்கு காரணம்
மாணவர்கள்தான் என்பதை
மாற்றங்களே அறிந்திருக்கின்றன -
விடியல் விரைவில் ............

ஊதாரிகள் என்ற ஊராரின் கூற்றுகள்
உடைத்து தவிடு பொடியாய் மாறி இருக்கின்றன
மாணவர்களின் மாண்புமிகு கொள்கைகள் -
மாற்றம் விரைவில் .........