விலகல்
ஆழந்து உறங்குகின்ற
குழந்தையிடத்தில் விரல்களை
உறக்கம் பிரியாத அளவிற்கு
விடுவித்துக் கொள்ளும் தாய்போல
மென்மையாக விலக முடியுமெனில் நீ
விலகிக் கொள்ளலாம்
மரத்தில் பழுத்த இலை
பின்பு காய்ந்து
சருகாகி காற்று அசைத்து கிளையே
உணராத வகையில் உதிருமே
அதைபோல விலக முடியுமெனில்
நீ விலகிக் கொள்ளலாம்
எப்படியென தெரியாத மரணம்
நேற்றுவரை நடமாடிக்
கொண்டிருந்தவன் அனிச்சையாக
உயிரை விட்டிருப்பான்
இறுதி மூச்சு எப்படி போனது
தெரியாத அளவில்
விலக முடியுமெனில் நீ
விலகிக் கொள்ளலாம்
அப்படி உன்னால் விலக முடியுமெனில்
நீ விலகும் போது என் இதயம்
அதை ஆமோதிக்கும் வகையில்
அமைதியாகவே இருக்கும்
கடைசி வரையில்....
