கனவு பெண்ணே
பாரதியின் கனவு பெண்ணே !!!
உன் பரிதவிப்பிற்கு காரணம் என்ன ???
உனக்குள் என்ன நடுக்கம்- எதைக்
கண்டு உன்னில் இன்னும் தயக்கம்!!
உன்னில் உள்ள புனிதம் -இன்று
உலகிற்கே தேவையான மனிதம் !!
பெண்ணே உன்னால் முடியும் -இந்தப்
பேருலகைச்சற்று நீ பார்த்தால் விடியும் !!
சோர்ந்துப்போக ஏன் வேண்டும் - நீ
நிமிர்ந்தது வாழ துணிவு வேண்டும் !!
வருத்தம் ஏன் உனக்கு -இந்த
உலகில் வாழ வழிநூறு இருக்கு !!
கண்ணில் ஏனடி நீர்த்துளி -உன்
கரங்களே இரு உளி !!
தொடுவானம் என்பது தொலைவில்லை -அதை
தொடும்தூரம் என்பது பெரிதில்லை !!
எண்ணத்தை ஏணிப்படியாக்கு-எதையும்
புதுச்சிந்தனையோடு நீ நோக்கு !!
கலாச்சாரத்தைக் கற்பாய்க்கொள் -மேலும்
கடைசி மூச்சுவரை நம்பிக்கைக் கொள் !!
சோதனை என்பது நிரந்தரமில்லை
சாதனை என்பது சாதாரணமில்லை !!!
தோல்விகள் என்றும் தொடர்வதில்லை -உன்
கனவுகள் ஒன்றும் கானல்நீரில்லை !!!
