BAN FOR SALE - NOODLES
பாலீத்தீன் பேப்பர் மேல் இட்லியும் வேகுது
பாலீத்தீன் கவர்களில் கொதிக்கும் சாம்பார் கிடைக்குது
பாலீத்தீன் பேப்பர் உணவுப் பொட்டலம் ஆகுது
பாலீத்தீன் பேப்பர் பாதிப்பு வயிற்றுக்கும் போகுது *****
பாலீத்தீன் பேப்பரை உணவுத் தட்டும் தாங்குது
அந்தப் பாலீத்தீன் பேப்பர் மேல் சிற்றுண்டி பரிமாற
சூடான சிற்றுண்டி ருசியாக இருக்குது
பாலீத்தீன் பேப்பரால் அரோக்கியம் அழியுது *****
பிணத்தை பதப்படுத்தும் வேதிப் பொருள் இங்கு
மீன் கருவாட்டுக்கு அதிக ருசி சேர்க்குது
பூச்சிக் கொல்லி மருந்துகள் காய்கறிக்குள் போகுது
கிடைக்கும் உணவு அனைத்தும் நஞ்சாக மாறுது *****
பதப்படுத்திய உணவுகள் பாலீத்தீன் பாக்கெட்டுக்குள் அடையுது
அவை அழகாக கடைகளில் அடுக்கடுக்காய் இருக்குது
மிகப் பெரிய கடைகள் நம் அனைவரையும் இழுக்குது
பணம் அதிகம் கொடுத்தும் உணவுப் பொருக்கள் தரமாக இல்லையே *****
அஜினி மோட்டா உப்பினால் ருசி அதிகம் ஆகுது
பாஸ்ட் புட் உணவுகள் தொல்லைகளை கொடுக்குது
நம் அவசர வாழ்க்கையில் அவதியும் கூடுது
விதையில்லா பழங்கள் உண்டு, மலட்டுத்தன்மை பெருகுது *****
குழந்தைகளை அடிமையாக்க பல உணவுகள் துடிக்குது
கலர்கலராய் கெமிக்கல் உணவுடனே கலக்குது
விளம்பரங்கள் கவர்ச்சியாக போட்டி போட்டு வெளியிட
வழியறியா பலரும் வாங்கிக் கொண்டு இருக்காங்க *****
இங்கு உணவு முறையைப் பார்த்த பின்
பிரமனுக்கு செய்வதொன்றும் தெரியல்லே
சித்திர குப்தன் கணக்கும் தவறாக போகுது
எமனும் சிரிக்கிறான் நம் வாழ்வைப் பார்த்து *****
12-06-2015
P Murugesa Pandian
