ஊடலும் ஊடல் நிமித்தமும்
ஆரவாரமின்றி அமைதியாய்
ஓடிக்கொண்டிருந்த அந்த
நதியின் கனவிலே
கல்லெறிந்தவர் யாரோ....?
எறிந்த கல்லையும்
கல்லை எறிந்தவரையும்
தன்னுள்ளே புதைத்துக்கொண்ட
நதி....நாடி அடங்கி
உறைந்துவிட்டது.....!!!!
************************************************
************************************************
பேருந்து ஜன்னலின்
மழை ஈரத்திலே
உன் பெயர் எழுதினேன்
பக்கத்திலே என் பெயரை.....
மழையே எழுதியது..........
மா மழை இணைத்த
நம் காதல் இனி
புயலிலும் புன்னகைத்திடுமே...!!!
************************************************
************************************************
ஆழ்ந்து தூங்கினேன்...
தோன்றிய கனவிலே
ஆழ்ந்து தூங்கினேன்...
என் தூக்கம் கனவாகியதா
இல்லை,
என் கனவு தூங்கவில்லையா...?!
************************************************
************************************************
நிலையற்ற உலகில்
நித்திரையற்ற இரவுகளில்
தவிக்கும் அபலையை...
நிரந்தர நித்திரைத்
தழுவிக் கொள்(ல்ல)ளட்டும்...
நிலையான கனவு
ஆட்கொள்(ல்ல)ளட்டுமே....!!!
*********************************************
*********************************************
கனவு பொய்க்கும் பொழுது
நிஜம் நிழலாகி விடும்...!!
************************************************
************************************************
நாம் பேசா நொடிகளிலும்
நம் மௌனம் கவிபாடிடுமே...!!
***********************************************
***********************************************
அதிகாலை வரும் ஊடலை
நண்பகல் கொண்டு சென்றுவிடும்
மாயம் தான் காதல்...!!
அந்திமாலை வரும் ஊடலை
சந்திரன் தூக்கிச் சென்றுவிடும்
மாயமும் காதல் தான்...!!
இரவு வேளை வரும் ஊடலை
இரவே இரவோடு கடத்திச் சென்றுவிடும்
மாயமோ மாயம் தான்
அதி அற்புதக் காதல்...!!!
~ தப்தி செல்வராஜ், சாத்தூர்
*********************************************************************
*********************************************************************
