அரும்புகள்
பட்டாம்பூச்சிகளை பிடிக்க வேண்டிய விரல்கள்
பட்டாசு தொழிற்சாலையில்
வெடி மருந்துகளை திணித்தப்படி..!
பலூன்களை ஊதவேண்டிய செவ்விதழ்கள்
பட்டறையில் இரும்பு சம்மட்டிக்கு
செந்நிற நெருப்புகளை ஊதியபடி..!
பட்டங்கள் விடவேண்டிய கைகள்
பாலீத்தின் பைகளை
சாலையோரங்களில் பொறுக்கியபடி..!
கணினியில் மவுசை பிடிக்க வேண்டிய கரங்கள்
தேனீர் கடையில் எச்சில்
கிளாஸ்களை கழுவியபடி..!
தொழில் வல்லுநர்களாக
வரவேண்டிய இளம் தொழில் அதிபர்கள்
கை, கால், கண்ணிழந்து சின்னஞ்சிறு அரும்புகள்
கடவுளின் சன்னதியில் பிச்சை பாத்திரத்தை
கையில் ஏந்தியபடி..!
