நிலைக் கண்ணாடி அசைகிறது சிமிட்டுவதை நிறுத்து
பெருமூச்சின் நிஷப்தங்களை
பின்னிக் கிடக்கும்
ஏதேன் காட்டுக்குள்
மீண்டும் கடவுள்
கொல்வோம்...!
-----------------------------------------------
குளிருக்கு கை நீட்டுகிறாய்...
நெருப்புக்கும்
உன் நளினம்...
-------------------------------------------------
எல்லா கோடிட்ட
இடத்திலும் உன் பெயரே
நிரப்புகிறேன்...
-----------------------------------------------
நிலைக் கண்ணாடி
அசைகிறது
சிமிட்டுவதை நிறுத்து...
-------------------------------------------------
எல்லாத் தெருவுக்கும்
ஒரு வீடு அடையாளம்...
உன் வீட்டுக்குத்தான்
தெருவே அடையாளம்...
-------------------------------------------------
நீ வந்த இறுதியாத்திரையில்
பூக்கள் எனக்கல்ல
உன் பாதங்களுக்கு...
-------------------------------------------------
உனைக் கடக்கையில் மட்டும்
எல்லா ஜன்னல்களிலும்
ரயில் கண்கள்...
-----------------------------------------------------
பிறகென்ன.... ஜன்னல் திற....
கூந்தல் பறக்கட்டும்...
புயல் தேசக் கனவோடு
வருகிறேன் பார்....
------------------------------------------------
இன்னொரு முறை
போடா சொல்...
வந்து விடுகிறேன்...
-----------------------------------------------
உன் தேன் குழையும்
மௌனத்தில்
கிரீச் கிரீச் செய்கிறது
என் நீர்மக் காடுகள்...
---------------------------------------------------------
கவிஜி
