கதம்பம்
பழமொன்றியு
**************
கரும்பு தின்ன கைக்கூலி வேண்டுமா?
தாலி கட்டுவதற்கு வரதட்சினை வேண்டும் .
லிமரைக்கூ
************
கொட்டாவி விடுகிறது எட்டும்கனி.
பறிப்பதற்கு ஆளில்லாப் பரிதாப நிலையில்
பட்டமரம் ஆகிவிடும் முதிர்கன்னி.
சென்றியு
*********
இலவசம் கூடாதாம்
போதித்தார்கள் போதகர்கள்.
கேட்டுப்போனார்கள் இலவசமாய்
ஹைக்கூ
*********
அடைமானம் வைக்கவில்லை
மூழ்கிவிட்டது வீடு
வெள்ளம்.
வெண்டுறை
பனித்துளியில் முகங்கழுவும் பலவண்ணப் பூக்களுக்கும் கர்வம் இல்லை
கனிகொடுக்கும் மரங்களுமே கதைதையாய் அதைசொல்லி மகிழ்வதில்லை
தனித்துவமாய் கிளையமர்ந்து இசைக்கின்ற பறவைக்கும் போதையில்லை
மனிதனுக்கு இவைஅனைத்தும் மலைபோலே முடிவுமில்லை.
*மெய்யன் நடராஜ்
