காதலியின் அழகு
தேனடையில் ஆடை
கட்டியவள்
காதலிப்போருக்கு
ஆறடியில் பாடை
கட்டியவள்
சீரடியில் ஜடை
கட்டியவள்
தேரடியில் ஜாடை
காட்டியவள்
கடைக் கண்ணில்
காதல்சொல்லாது விற்பவள்
இடை தன்னில் எடை
இல்லாது நிற்பவள்
அவள் முகம் பார்க்கும்போது
கண்ணாடி பாதரசம் கொதித்து வந்து
குதித்து நின்று அவள் பாதம் சரணடைகின்றது
சூரியனைப் பிட்டு
வைத்திருக்கின்றாள் பொட்டு
வெள்ளை நிற மேகம்
அவளது தேகம்
அனைவரும் கண்ணில்
மை வைக்கும்போது
அவள் மட்டும் நெய் வைக்கின்றாள்
அதில் கொஞ்சம் பொய் வைக்கின்றாள்
அவள் நயன் தாராவின் தங்கச்சி
அவள் தன்னோடு சேர்ந்தால்
தலைவர்கள் வளரும் என்கின்றனர் தன் கட்சி
