பாத்திரம் பழகு

வாழ்க்கை எனும் அடுபங்கரையிலே
புழங்குகிறது பல பாத்திரங்கள்
ஒவ்வொன்றும் ஒரு வகை சூத்திரங்கள்
கணித்து கணக்கிட்டு பழகிட
சில கணங்கள்
காத்திருங்கள்.
போலி புன்னகையில் பொங்கிடும் சில பாத்திரம்
கேளி கிண்டல் கிண்டியும் குழைந்திடும் சில பாத்திரம்
துருவியும் ஆராயும் மற்றுமொரு பாத்திரம்
கிளறி கிளறி கெடுக்கும் வேற வகை பாத்திரம்
பண குழம்பு மட்டுமே சுமக்கும் இந்த வகை பாத்திரம்
மன இரும்பு ஆக்குமே கருணை இல்லா பாத்திரம்
பொடி வைத்து வதக்கும் இன்னும் சில பாத்திரம்
இடி இடித்து கிளம்புமே இவைகள் மேல் ஆத்திரம்
கோத்திரங்கள் போலவே
பாத்திரங்களும் பல இங்கே
பாத்திரம் அறிந்து பக்குவபடு>>>>!